For sale: baby shoes, never worn.
今日想分享另一句值得記得的英文句子。嚴格來說不算一句，是兩句：
網上說這是美國小說家海明威參加一個微小說的得獎之作。我無查證過，但無論如何，這兩句抵佢攞獎，因為短短六個字，好似講出一個故事的起承轉合：起，是一對夫婦有喜，女人懷孕；承，是兩夫婦好開心去買細路仔嘢，例如ＢＢ鞋子；轉，是唔知咩原因，亦唔知係第幾個月，個ＢＢ無咗；合，係兩公婆要攞對鞋去賣，以前可能係街檔賣，呢個年代一定係攞上網賣啦。
所以你話呢六個字幾咁含蓄講咗一件有些悲哀的故事，果然係海明威。
其實網上都有好多其他好精彩的例子，例如：
Strangers. Friends. Lovers. Friends. Strangers.
大家應該明個故事係點。又係一個起承轉合而結局是悲哀的故事。
生離死別梗係唔開心啦，係完結時再分享多一句網民創作，即悲哀但又諷刺的六字真言，好切合香港依家的政治環境：
One country, two systems. Just kidding.
（哈哈哈哈）
沒有留言:
張貼留言