湊b十招之三:著衫/蓋被睡覺

1. Bb都有底衫面衫之分，俗稱和尚袍.

2. 面衫隻bb手位置有袖口套，若出街要反包住bb手保暖，室內可以唔洗。

3. 面衫底衫都好，先自己伸隻手入一邊衫袖，慢慢拉bb隻手出嚟。

4.然後把bb扶直，將件衫拉去另一邊，以同樣方式穿另一隻手

5. 訓覺可用包被或毛巾，包被有薄被厚被選擇

6. 包被要包得緊，令bb有安全感。包法是把正方形或長方形毛巾或包被菱形咁擺，摺左一角先，放bb上去，頭過被子。然後按著bb左手，把左面毛巾包實其左手，搭過去右邊腰攝實，跟住把腳隻角的毛巾向上摺，攝係bb心口前，然後按實右手，右邊毛巾包右手搭過去左邊腰摺實（另外也可把手仔露出，讓他可舒展筋骨，但要留意bb的手不會掩蓋自己的鼻子，引致窒息。可參考youtube一條叫<包小孩示範>的片睇）

7. 如沖完涼著衫，可以一次過把bb的手穿過底衫和面衫，慳番時間，又唔怕暴露空氣時間太耐會涷親。

8. 把BB放在床上時, 可選擇仰睡或側睡. 若側睡, 可將小欖枕放在BB背部承托.

9. 被子與包被一樣,可包實雙手或外露手手. 若外露手手,被子只蓋至胸口位置,BB手手壓住被子, 避免被子覆蓋頭部; 若包實, 可把被子蓋至肩膊位, 然後把被子揳入床褥內.

10. 出街要幫bb帶帽. 天氣涷可著埋蛤乸衣, 可包住手手腳腳,