10大西餐禮儀之十: 食生蠔

這個系列最後一篇係講食生蠔.

食生蠔不用刀,但會用叉(有可能係專食生蠔的叉).

首先,左手hold住生蠔,右手用刀,把肉同殼分開.

然後擠點檸檬汁,灑在生蠔上,用叉叉蠔入口中.

其實也可用完叉把肉同殼分開和灑完檸檬汁後,用手把生蠔滑進口中.

無論用叉或用手,記住殼入面啲汁可以飲埋, 

10大西餐禮儀之九:如何食有骨的肉

我個人嚟講,幾怕食有骨的肉,因為覺得煩.當然,其實有解決辦法,就係善用刀叉.

食任何有骨的肉都好,首先是將肉同骨分開.

分開啲肉後,用法式或美式也可,把肉一口一口放進嘴裡.

骨不要放在枱上,應照擺係碟上,集齊在一角.

這樣,便可以處理T骨牛扒,羊扒等等有骨的肉.

10大西餐禮儀之八:如何食牛扒

食牛扒有咩技巧?

第一, 切牛扒方法其實有美式及歐洲式之分.

第二, 無論美式及歐洲式,牛扒都係一路切一口食, 唔會一次過切嘥啲牛扒然後先食.

第三, 美式方面, 會用左手攞叉,右手攞刀. 左手的叉用來控制住(Use the fork to pin the meat),然後用刀切完一口, 放低把刀, 把叉由左手轉右手, 用右手攞叉叉來食.

第四, 法式方面, 唔會左手轉右手咁麻煩.都係左手攞叉, 右手攞刀. 右手把刀用來控制(use the knife to hold the cut meat in place), 然後用左手把叉扯開,再同樣用叉將塊牛扒入口. 

第五, 牛扒由左面開始切,由左向右食.

(參考:http://www.livestrong.com/article/512335-proper-manners-when-cutting-a-steak/)

10大西餐禮儀之七: 如何與人share食物

出去同人食飯,即係食西餐,有時都會同人share食物.例如去食意大利菜,有時一個PIZZA,或意粉/意大利飯等,都唔會一個人獨食.同人share食物,都有幾點禮儀要注意.

1.盡量用兩隻手,一隻手夾唔實.

2.左手用叉,右手用匙.

3.用叉背夾扁啲食物,方便夾去自己碟度.

4.夾完後,把食物掃去盤子的中央.

5.夾完後,順手將刀叉放在方便別人攞的位置上.

10大西餐禮儀之六: 餐巾點用

如何用餐巾,比較多少少學問.

第一:一坐低就攤開餐巾, 攤在膝上.不必等有食物到先做.

第二: 餐巾攤開向前摺少少便可以.

第三: 俾女士先取餐巾，男士才攞嚟用。

第四：食食下中途要去洗手間，把餐巾求求其其擺係椅上面。唔係椅背上，更加唔係枱上面。



第五：食完飯，等女士們攞餐巾係枱上，男士才擺。

第六：用完後，餐巾摺少少，攞係餐具（應該係飲品杯）的左邊。



第七：不用餐巾來抹鼻係常識吧。

第八：即使係抹嘴，也不要好用力咁抺，輕輕力抺一抹便可以了。

10大西餐禮儀之五: 手擺係邊

手其實輕放枱上可以,大忌係把手肘放在枱上.

10大西餐禮儀之四: Lady first

特別講講當入到餐廳後, 三點有儀態的事:

第一:如果係同女朋友/友人/老婆食飯, 就俾女士跟著侍應行先吧. 

第二:幫女人揀個靚位。咩係靚位？當然一間間餐廳而定,但一般離門口遠,背靠牆,離洗手間遠,或可遠眺風景的為好位. 

第三：去到個位，俾女仔坐先(好的侍應會幫手女士拉椅)，佢坐低你先坐。

10大西餐禮儀之三: 坐姿

其實食西餐定食其他, 坐姿都差不多. 就係背唔好靠著椅背, 做到呢點, 已經俾咗人一種尊重別人尊重自己,又精神的感覺. 

10大西餐禮儀之二: 用刀叉

講到刀叉，當然要講係西餐中刀叉的攞法。

其實大家係上圖可睇到，刀叉唔同的擺法有唔同含義。

但最重要都係兩個情況的擺法，一個係仲食緊的符號，一個係食完的符號。

首先，如果仲食緊，一般歐洲都係把刀叉擺成中文的八字。

美式的話，刀攞係碟邊，叉攞十一點位置。

而當用完餐，就有好似上圖個兩個選擇，一個係刀叉頭指向十二點位置，一個則是刀叉頭指向十點位置。

延伸閱讀
1. 如何吃意粉不失禮？, 香港:蘋果日報, 16-12-2015

10大西餐禮儀之一: 飲西湯

今日開始一個新系列,係想講食西餐禮儀的. 

點解? 同英文有咩關係? 哈哈,其實無關.

咁講有關又得的, 因為學英文, 同時食西餐, 兩者都是西方文化. 

今日頭炮,先講如何飲西湯.


其實講西餐禮儀係點, 就即係食西餐唔應該做咩野.

第一, 舀湯唔好發出碰撞聲.

第二, 面包唔好沾湯食.

第三, 唔好吹啲湯,好肉酸.

第四, 唔駛把湯飲到一滴不剩, 搞到要傾斜盤子. 剩番少少唔緊要.

第五, 湯未飲完,不用攞支湯匙出來.

第六, 飲完, 湯匙可照擺係入面, 也可攞係盤子邊.

第七, 唔好同人爭拗究竟湯匙係向外舀定向內舀,因為呢個係英法之別. 英式係向外舀,法式係向內舀. 

第八, 如果係無餸個啲西湯, 湯匙橫擺咁用, 但若湯匙有餸, 就最好把湯匙直向嘴把食物送進口裡. 咁樣可以令個嘴無咁污糟.

第九, 喝酥皮湯的話, 先把刀將酥皮切開一半, 然後把靠近自己的酥皮放進湯裡來喝. 

第十, 當然係, 飲湯唔好發出sh sh聲, 超醜樣. 記住飲湯英文唔係drink soup, 係eat soup. 所以要好似食野咁去「飲」個湯.