這套悲劇夠家傳戶曉吧?未必.
1. 故事的起: 故事的背景意大利Verona. Montagues 及 Capulets是兩大世仇, 經常開片. Verona個王子決定邊個再打架,便要殺頭.
Romeo係Montague的人, 佢鍾意個女仔叫Roasline. 同時間,Juliet係Capulet個女, 佢知道有個男仔叫Paris鍾意佢.於是Juliet屋企幫佢搞咗個蒙面舞會,想安排阿女與Paris相識. Romeo因為知道佢女神Rosaline會去個Ball, 佢便偷偷潛入去.
2. 故事的承: 係個舞會上,Romeo與Juliet一見鐘情. 可惜, 佢地來自兩個世仇家庭,這因此是悲劇的開始.
羅密歐走去搵佢朋友Friar Lawrence (Friar=修士)., 佢估唔到Romeo變心變得咁快. 佢同意袐密幫佢Romeo同Juliet證婚,因為覺得咁樣兩邊家族可以結束世仇(age old feud). 至於Juliet,佢都有Nurse支持和幫助佢見Romeo. 著名Romeo在陽台見Juilet個幕,就係Nurse借出張長梯俾Romeo.
第二日佢地就決定在Lawrence那裡結婚.
3. 故事的轉: 話明係世仇, 當然無咁易和好. Romeo的表兄Benvolio同Juliet的表哥Tybalt又打架. Tybalt殺死了Mercutio, Romeo的老死. Romeo報仇, 殺死Tybalt. 王子知道事件後,驅逐Romeo出境.
Romeo藏身於Friar Laurence的家. Nurse與Friar合作幫佢地結婚. Romeo和Juliet洞房.
可惜,Juilet老豆都係安排了Juilet與Paris結婚.
Juilet搵Friar唸辦法. 修士俾咗個屎橋佢,就係叫佢食啲草藥(類似中藥?), 昏睡42小時, 扮死. 然後等Romeo去墳墓搵佢,然後逃走.
4. 故事的合: 好衰唔衰, Romeo與Friar失去聯絡(當然無手機). 佢以為Juliet真係死咗. 因此佢先去殺Paris,然後與Juilet屍體共存一段時間, 跟著係佢身邊服毒.
Juilet係Romeo飲完毒藥之後醒咗,佢自己又自殺.
兩家人最後真係因為呢單野,結束世仇,真夠諷刺.
5. 《羅》劇是莎士比亞當劇作家初期寫的故事, 亦是文學歷史上最偉大的愛情故事．
6. 可能因為青年人容易明白愛情，《羅》是莎劇中與Julius Caesar一樣係中學生入門研習的莎劇．學生透過《羅》，學習一點維多利亞時代的戲劇，莎士比亞的語言，及情詩．除了係中學生最容易認識的戲劇外，亦是世界各地劇團最常演的劇目，相信係因為故事最淺白．
7. 另外，係電影方面，《羅》亦是最常被改編的戲劇．1968年, Franco Zeffirelli的Romeo and Juliet贏了奧斯卡. 1967年, West Side Story改編自Romeo and Juliet. 流行曲亦有 Taylor Swifth的 "Love Story," Dire Straits' "Romeo and Juliet". 而其實, 一切被禁止的愛情也可以追溯Romeo and Juliet, 例如Wuthering Heights 或 Twilight.
8. 有些人覺得《羅》只是關於青少年衝動的愛情. 但事實上, 有甚麼愛情沒有衝動、不理性的成份? 或者說, 有甚麼的愛情,只講理性?我們都沒有羅密歐和茱麗葉那麼浪漫, 約會一次便私奔, 但我們的愛情也是不理性的.《羅》其實探討了愛情的本質, 即係浪漫與現實的衝突. 只係我們的現實不是家族世仇或父母安排了婚姻,但可以是其他阻止愛情繼續的問題, 例如是子女的教養問題, 財政的問題, 或其他相處的問題. 因此, 《羅密歐與茱麗葉》之所以歷久不衰, 因為它的主題實在偉大.
9. 大致上, Romeo and Juliet都係以詩句寫成. 舉前言 (Prologue)作例子:
Two households, both alike in dignity
(In fair Verona, where we lay our scene),
From ancient grudge break to new mutiny,
Where civil blood makes civil hands unclean.
From forth the fatal loins of these two foes
A pair of star-crossed lovers take their life; (Prologue.1-6)
莎翁都係用傳統的iambic pentameter，即係一行有5對、10個音節 (pentameter), 而每對音節係unstressed, stressed (iambic):
in FAIR | VerON | a WHERE | we LAY | our SCENE
或
where CIV | il HANDS | make CIV | il BLOOD | unCLEAN
雖然呢句唔係:
From AN | cient GRUDGE | BREAK to | NEW MUT | ti NY
10. 最後一提係1996年個套Romeo + Juliet, Kenneth Branagh導演.呢套戲吸引人不單因為由當時只有17歲的Claire Danes做Juliet和22的 Leonardo DiCaprio做男主角, 呢點當然吸引,但更重要係, 導演將莎翁呢套經典的背景, 搬咗去巴西, 作咗一個現代演繹, 證明經典歷久不衰.
沒有留言:
張貼留言